Enska knattspyrnusambandið hefur fengið undanþágu fyrir íslenska landsliðið um að ferðast til London og spila leikinn gegn Englandi í Þjóðadeildinni á miðvikudag í næstu viku.
Óvíst var um hvar eða hvernig leikurinn færi fram vegna reglugerðar Í Bretlandi sem bannar ferðalag frá Danmörku til Englands.
Bretar hafa sett harðar reglur á ferðamenn á Danmörku vegna kórónuveirunnar. Einstaklingar sem ferðast til Bretlands frá Danmörku munu þurfa að sæta sóttkví í 14 daga og eru engar undanþágur í boði.
Ísland á leika við Danmörku í Kaupmannahöfn á sunnudag og gegn Englandi í London á miðvikudag í næstu viku.
Nú er ljóst að leikurinn fer fram á Wembley á miðvikudag í næstu viku.
England have been granted permission to play Iceland at Wembley.
— Ben Rumsby (@ben_rumsby) November 12, 2020