Mason Greenwood framherji Manchester United hefur átt í erfiðleikum í upphafi leiktíðar en hann hefur beðið um frið frá fjölmiðlum eftir mikið áreiti.
Þær eru orðnar verulegar áhyggjurnar sem forráðamenn Manchester United hafa af Mason Greenwood sóknarmanni félagsins. Þessi 19 ára sóknarmaður var ekki í leikmannahópi liðsins gegn Everton á laugardag. Þetta er ekki í fyrsta skiptið á þessu tímabili sem Greenwood er settur úr hópnum, hann var í stóru hlutverki á síðustu leiktíð en lífsstíll hans utan vallar veldur fólki hjá United áhyggjum.
Allt byrjaði þetta eftir heimskupör Greenwood í Reykjavík þar sem hann og Phil Foden leikmenn enska landsliðsins fengu tvær íslenskar stúlkur á hótel sitt, þvert á allar sóttvarnarreglur sem eru í gildi.
„Mason missti vin sinn sem tók eigið líf, þeir voru nánir. Hann hefur mátt þola endalausar árásir frá fjölmiðlum og knattspyrnuáhugafólki. Látið krakkann í friði,“ sagði í færslu á Instagram sem Greenwood líkaði við.
Greenwood var kallaður á fundi í september hjá Ole Gunnar Solskjær þar sem hann ræddi við hann um breytingar sem verða að vera í viðhorfi hans, þau skilaboð virðast ekki hafa komið til skila. Solskjær lagði til við Gareth Southgate að framherjinn yrði ekki í enska landsliðinu í komandi verkefni, hann þyrfti að fara axla ábyrgð á gjörðum sínum.
Mason Greenwood liked this post on Instagram 😔 pic.twitter.com/rYpowDA4tR
— StrettyNews.com (@StrettyNews) November 11, 2020