Stjarnan og Ólafur Jóhannesson hafa komist að samkomulagi um að Ólafur hætti þjálfun liðsins.
Ólafur sem er einn sigursælasti þjálfari landsins starfaði á síðastliðnu tímabil við hlið Rúnars Páls Sigmundssonar en hverfur nú á braut að eigin ósk.
„Það hefur verið heiður að starfa með Óla í kringum liðið, hann er hreinn og beinn í sínum samskiptum og kom inn með kraft og nýja sýn inní starfið hjá okkur og skilur mikið eftir sem við sannarlega ætlum að byggja ofaná. Þrátt fyrir að tímabilið hafi verið sérstakt fyrir margra hluta sakir stendur nú samt uppúr góður árangur sem náðist undir stjórn þeirra Óla og Rúnars, þvert á allar spár” segir Helgi Hrannarr, formaður m.fl ráðs um málið við heimasíðu Stjörnunnar.
„Ég vil nota tækifærið og þakka Óla fyrir samstarfið, ég lærði mikið af honum þennan tíma enda maðurinn hokinn af reynslu. Ég naut tímans þrátt fyrir þær erfiðu áskoranir sem sl tímabil var og það var umfram allt fagmennska sem einkenndi hans vinnubrögð, ásamt skemmtilegu andrúmslofti. Ég óska honum góðs gengis og hlakka til að sjá hann á vellinum” segir Rúnar Páll.
Ólafur kveður Stjörnunnar sáttur með söknuði „Það hefur verið heiður að starfa fyrir félagið, hér er gott og metnaðarfullt umhverfi og frábært fólk allt í kringum félagið. Þetta hefur verið langt og skrítið tímabil og nú er komið að kærkomnu fríi” Ég kveð félagið sáttur og með söknuði” er haft eftir Ólafi