Valgeir Sigurðsson stjórnarmaður hjá Knattspyrnusambandi Íslands hefur beðist afsökunar á færslum sínum í gær um Kolbein Sigþórsson framherja íslenska karlalandsliðsins.
Valgeir fékk mikla gagnrýni fyrir að stíga fram og gagnrýna framherja liðsins eftir góðan sigur á Rúmeníu í umspili um laust sæti á EM. „Eftir leik: Góður sigur Íslands., Gylfi! Aron Einar! Guðlaugur Victor orðinn lykilmaður, síðasti landsleikur Kolbeins? Tólfan með sitt á hreinu,“ skrifaði Valgeir að leik loknum.
Meira:
Stjórnarmaður KSÍ fær gagnrýni fyrir að stíga fram í kvöld og gagnrýna eina af stjörnum liðsins
Hann hefur nú dregið í land og kveðst draga lærdóm af þessu. „Stjórnarmaðurinn lifir og lærir,“ segir Valgeir á Twitter í dag.
Eftir að hafa sofið á málinu virðist Valgeir nú óska þess að Kolbeinn sem er markahæsti landsliðsmaður í sögu Íslands verði sem lengst í bláu treyjunni. „Vona að öllu hjarta að við sjáum Kolla sem allra lengst,“ skrifar Valgeir.
Kolbeinn kom inn sem varamaður fyrir Alfreð Finnbogason í leiknum en framherjinn er markahæsti leikmaður í sögu Íslands ásamt Eiði Smára Guðjohnsen.
Þórður Einarsson einn af fimm þjálfurum Þróttar var einn af þeim sem gagnrýdni Valgeir í gær. „Er það samt hlutverk stjórnarmanna í KSÍ að tvíta svona um einstaka leikmenn liðsins . Óheppilegt.“
Meira:
Stjórnarmaður KSÍ fær gagnrýni fyrir að stíga fram í kvöld og gagnrýna eina af stjörnum liðsins
