Búið er að fresta leik Íslands og Ítalíu Í undankeppni EM U21 árs landsliða vegna hópsýkingar í herbúðum U21 árs landsliða.
Þetta herma heimildir 433.is og er búið að láta leikmenn íslenska liðsins vita. Möguleiki er á því að leikurinn fari fram í nóvember.
Þrír aðilar í U21 árs landsliði Ítalíu greindust með COVID-19 veiruna við komuna til Keflavíkur í gær. Þetta staðfestir ítalska sambandið.
Um er að ræða tvo leikmenn og einn úr starfsliði Ítala en annar leikmaðurinn er með einkenni. Ítalar segja að allir þessir aðilar hafi farið í skimun á Ítalíu en ekki greinst með veiruna.
Tveir leikmenn Ítala höfðu greinst með veiruna fyrr í vikunni og því voru þeir teknir út úr hópnum. Fimm smit hafa því greinst í hópi Ítala