Ole Gunnar Solskjær stjóri Manchester United setti fram innkaupalista af leikmönnum fyrir sumarið, um var að ræða leikmenn sem hann taldi að myndu styrkja lið sitt.
Ed Woodward stjórnarformaður félagsins virðist hafa hunsað listann algjörlega. ESPN Segir frá því að fjögur nöfn hafi verið á lista Solskjær.
Solskjær vildi fá hægri kantmann og hann vildi fá miðvörð til að vera í hjarta varnarinnar með Harry Maguire. Á lista Solskjær samkvæmt ESPN voru Jack Grealish og Jadon Sancho, hann vildi helst fá Sancho en hafði líka mikinn áhuga á Grealish.
Til að styrkja vörnina vildi Solskjær fá Dayot Upamecano frá Leipzig eða Nathan Ake frá Bournemouth en Manchester City klófesti hann.
Enginn af þessu mönnum var keyptur, í staðinn fór Woodward og keypti Donny van De Beek, Alex Telles og festi svo kaup á Edinson Cavani.