Daníel Leó Grétarsson var í fyrsta skipti í byrjunarliði Blackpool og spilaði allan leikinn í 1-2 sigri liðsins gegn Burton Albion í ensku C-deildinni í dag.
Jerry Yates kom Blackpool yfir með marki á 21. mínútu.
Á 63. mínútu varð Daníel Leó fyrir því óláni að skora sjálfsmark og staðan því orðin 1-1.
Á 74. mínútu fékk Blackpool vítaspyrnu. Jerry Yates tók spyrnuna og kom Blackpool í stöðuna 1-2.
Fleiri mörk voru ekki skoruð í leiknum. Blackpool er eftir leikinn í 16. sæti deildarinnar með 10 stig eftir 10 leiki.
Í ensku D-deildinni, spilaði Jökull Andrésson sinn annan byrjunarliðsleik og hélt hreinu í marki Exeter sem vann 1-0 sigur gegn Carlisle.
🧤 A well deserved clean sheet for @JokullAndresson and the whole back line who were exceptional!#ECFC #OneGrecianGoal pic.twitter.com/HJh2muN24n
— Exeter City FC (@OfficialECFC) October 31, 2020