Yfirburðir Chelsea voru miklir þegar liðið vann 0-3 útisigur gegn Burnley í ensku úrvalsdeildinni í dag. Jóhann Berg var ekki í leikmannahóp Burnley vegna meiðsla.
Hakim Ziyech kom Chelsea yfir með marki á 26. mínútu eftir stoðsendingu frá Tammy Abraham.
Þannig stóðu leikar allt þangað til á 63. mínútu er varnarmaðurinn Kurt Zouma tvöfaldaði forystu Chelsea með skallamarki eftir hornspyrnu Mason Mount.
Timo Werner bætti við þriðja marki Chelsea á 70. mínútu. Fleiri mörk voru ekki skoruð í leiknum, 0-3 sannfærandi sigur Chelsea því staðreynd.
Chelsea er eftir leikinn í 4. sæti deildarinnar með 12 stig eftir 7 leiki. Burnley er hins vegar í basli í neðsta sæti deildarinnar með 1 stig eftir 6 leiki.
Burnley 0 – 3 Chelsea
0-1 Hakim Ziyech (’26)
0-2 Kurt Zouma (’63)
0-3 Timo Werner (’70)