Forráðamenn Manchester City segjast vera rólegir yfir stöðunni þrátt fyrir sögurnar sem berast nú frá Katalóníu um áætlanir Barcelona fyrir næstu leiktíð. Victor Font sem verður líklega næsti forseti Barcelona vill fá Pep Guardiola taka við sem þjálfari liðsins ef hann nær kjöri.
Guardiola verður samningslaus hjá Manchester City næsta sumar og gæti þá tekið skrefið aftur heim til Katalóníu. Josep Maria Bartomeu sagði upp störfum í vikunni en mikil óánægja var með hans störf og hann sagði upp starfinu.
„Það er okkar markmið að byggja upp sterkt og öflugt lið, við höfum hér hugmyndafræði Johan Cruyff sem hefur verið notuð og virkar,“ sagði Font.
„Okkar bestu leikmenn í sögunni þekkja þá aðferð, við erum að tala um Pep Guardiola, Xavi, Iniesta og Puyol. Þetta eru allt goðsagnir sem ekki starfa fyrir félagið í dag, við þurfum að tryggja okkur starfskrafta þeirra aftur.“
