Jose Mourinho stjóri Tottenham var reiður í gær og sendi skilaboð til leikmanna sinna í gengum Instagram eftir 1-0 tap gegn Antwerp í Evrópudeildinni.
Þetta var annar leikur liðsins í riðlakeppninni. Antwerp er nú með fullt hús stiga eftir tvo leiki. Tottenham er með þrjú stig eftir tvo leiki.
Þetta var fyrsta tap Mourinho í Evrópudeildinni síðan í nóvember 2016.
„Slök frammistaða verðskuldar slaka niðurstöðu, vonandi eru allir í rútunni jafn ósáttir og ég. Æfing 11 í fyrramálið,“ skrifar þessi geðþekki Portúgali.
Myndina má sjá hér að neðan.