Aron Einar Gunnarsson, fyrirliði íslenska landsliðsins og leikmaður Al Arabi í Katar, stóð sig afar vel í leik liðsins gegn Al Markhiya í undanúrslitum Emir bikarsins í Katar í dag.
Al Arabi sigraði leikinn 2-0 en Aron skoraði fyrra mark liðsins. Abdulaziz Rashid Al Ansari skoraði seinna mark liðsins.
Stuðningsmannaklúbbur Al Arabi á Íslandi var að vonum ánægður með sigurinn hjá sínum mönnum en klúbburinn deildi myndbandi af fagnaðarlátum á hliðarlínunni þegar liðið skoraði seinna markið. Í myndbandinu má sjá Heimi Hallgrímsson, þjálfara Al Arabi, fagna markinu.
2-0.#alarabiiceland#fotboltinet#AmirCup2020 pic.twitter.com/vRvA2zkkcF
— Stuðningsmannaklúbbur Al Arabi á Íslandi (@StuArabi) October 30, 2020
