Enska blaðið Indepedent telur að Rúnar Alex Rúnarsson muni þreyta frumraun sína með Arsenal í kvöld þegar liðið mætir Dundalk í Evrópudeildinni.
Rúnar gekk í raðir Arsenal undir lok félagaskiptagluggans og á eftir að þreyta frumraun sína fyrir þetta stóra félag.
Stóra tækifærið gæti komið í kvöld í Evrópudeildinni en Rúnar kom til Arsenal frá Dijon í Frakklandi. Bernd Leno hefur spilað alla leiki Arsenal í vetur en nú gæti komið að íslenska markverðinum að standa vaktina.
Líkleg byrjunarlið:
Arsenal: Rúnar Alex Rúnarsson, Soares, Mustafi, Gabriel, Kolasinac, Elneny, Ceballos, Nelson, Willock, Pepe, Nketiah.
Dundalk: Rogers, Gannon, Cleary, Boyle, Dummigan, Mountney, Murray, Shields, Sloggett, Duggy, Hoban.