Sergio Romero markvörður Manchester United nennir ekki að vera lengur í herbúðum félagsins og vill rifta samningi sínum í hvelli.

Romero gat farið til Everton á lokadegi félagaskiptagluggans en United neitaði að lána hann þangað, Romero er brjálaður vegna þess.

Romero er ekki að fara að spila neitt þar sem hann er ekki skráður í hópinn til að taka þátt í leikjum.

Romero vill rifta samningi sínum sem rennur út næsta vor til að finna sér nýtt félag, hann skoðar nú kosti í Argentínu og í Bandaríkjunum.

Romero er sagður þéna nálægt 100 þúsund pundum á viku en hann var að margra mati besti varamarkvörður deildarinnar. Ole Gunnar Solskjær og félagar vilja hins vegar hafa Dean Henderson sem keppinaut David de Gea.