Cristiano Ronaldo, leikmaður Juventus, bíður þess að komast aftur á fótboltavöllinn eftir að hann greindist með Covid-19 þann 13. október.
Hann greindist enn á ný jákvæður þegar hann fór í skimun fyrir stórleik Juventus gegn Barcelona. Leikurinn, sem er í Meistaradeildinni, fer fram á morgun klukkan 20:00.
Sky Sports segir frá því að samkvæmt reglum UEFA þurfa leikmenn að skila neikvæðu covid-19 prófi að minnsta kosti sólarhring fyrir leik á þeirra vegum til að mega taka þátt.
Hjá Barcelona hefði Ronaldo hitt fyrir Lionel Messi. Þeir eru tveir af bestu fótboltamönnum sögunnar. Ronaldo hefur fimm sinnum verið kosinn besti fótboltamaður í heimi og Messi sex sinnum.
Ljóst er að Juventus mun sakna Ronaldo þegar Messi og félagar koma í heimsókn.
Ronaldo hefur misst af þremur leikjum síðan hann greindist jákvæður af Covid-19. Hann hefur verið einkennalaus og duglegur að æfa heima hjá sér.
View this post on Instagram
“El éxito en la vida no se mide por lo que logras, sino por los obstáculos que superas” 😉💪🏽