Það var ekki val Mikel Arteta þjálfara Arsenal að kaupa Thomas Partey frá Atletico Madrid. Miðjumaðurinn frá Ghana var keyptur fyrir 45 milljónir punda á lokadegi félagaskiptagluggans.
Partey er öflugur miðjumaður en Arteta hafði lagt alla áherslu á það að kaupa Houssem Aouar frá Lyon en fékk ekki ósk sína uppfyllta.
L’Equipe sgir frá þessu en Arteta vildi Aouar til að leysa vandræði Arsenal að skapa sér færi, hann taldi Aouar geta hjálpað mikið í sóknarleik liðsins.
Edu sem er yfirmaður knattspyrnumála vildi hins vegar frekar leggja áherslu á varnarsinnaðan miðjumann og vildi fá Partey í það.
L’Equipe segir að Edu hafi haft betur í þessari baráttu og sannfært þá sem eiga félagið að Partey væri maðurinn sem Arsenal vantaði.