Tottenham vann góðan 0-1 sigur á Burnley í ensku úrvalsdeildinni í kvöld. Leikið var á Turf Moor í Burnley. Jóhann Berg Guðmundsson var í byrjunarliði Burnley og lék 84. mínútur.
Það var Heung-Min Son sem skoraði eina mark leiksins. Það kom á 76. mínútu eftir stoðsendingu frá Harry Kane, hans áttunda stoðsending á tímabilinu.
Sigurinn færir Tottenham upp í 5. sæti deildarinnar, liðið er með 11 stig eftir 6 leiki. Burnley er í 18. sæti með 1 stig og er enn í leit að sínum fyrsta sigri á tímabilinu.
Burnley 0 – 1 Tottenham
0-1 Heung-Min Son (’76)