Manchester City hefur sent út samúðarkveðju til fjölskyldu Jeremy Wisten 17 ára drengs sem áður lék með félaginu. Wisten kom til City árið 2016 þá aðeins 13 ára gamall. Wisten lést um helgina en er talinn hafa tekið eigið líf.
Wisten fékk svo ekki lengri samning hjá Manchester City og það reyndist honum erfiður biti að kyngja. Wisten kemur frá Malaví í Afríku en hann og fjölskylda hans fluttu til Englands.
„Manchester City fjölskyldan er í sárum með að heyra af andláti Jeremi Wisten sem lék með unglingaliði félagsins. Við sendum samúðarkveðju á vini og fjölskyldu,“ segir í yfirlýsingu Manchester City.
Wisten þótti mjög efnilegur knattspyrnumaður, hann lék í hjarta varnarinnar. „Hræðilegar fréttir, hvíldu í friði ungi maður,“ skrifaði Aymeric Laporte sem leikur í vörn Manchester City í dag.
Raheem Sterling ein af stjörnum MAnchester City er í sárum en fjöldi ungra leikmanna hefur sent út samúðarkveðju.