The Sun tók saman lista yfir frægustu kærustur knattspyrnumanna en sumar þeirra eru mun frægari en knattspyrnumennirnir.
Hér fyrir neðan má sjá brot af því besta á listanum:
Frægasta dæmið er auðvitað David Beckham og eiginkona has, Victoria Beckham. Þrátt fyrir að Beckham hafi verið einn frægasti knattspyrnumaður heims þegar þau byrjuðu saman þá var Victoria án efa frægari þar sem hljómsveitin hennar, Spice Girls, var afar vinsæl. Victoria og David kynntust árið 1997 þegar hann bauð henni að koma á Manchester United leik.
Á þeim tíma var Beckham nýkominn með nýtt númer og var að taka sín fyrstu skref í átt að heimsfrægð en Victoria var þá ein frægasta stjarna heims. Spice Girls höfðu árið áður gefið út plötuna Spice, sem var mest selda plata ársins 1996 í Bandaríkjunum.
https://www.instagram.com/p/CAzx9HOhjSv/
Gerard Piqué, varnarmaður Barcelona, kynntist Shakiru á settinu fyrir tónlistarmyndbandið við lagið Waka Waka, sem var opinbert lag heimsmeistaramótsins í knattspyrnu árið 2010.
Þrátt fyrir að Piqué hafi unnið nánast allt sem hann hefur getað unnið í knattspyrnunni þá er hann alls ekki frægastur á heimilinu. Shakira er ein frægasta poppstjarna heims. Hún hefur til að mynda tæplega 69 milljónir fylgjenda á Instagram á meðan Piqué er bara með rúmlega 18 milljónir.
https://www.instagram.com/p/BqN7T0ujoGs/
Hinn 25 ára gamli Cameron McGeehan var keyptur til Chelsea fyrir 80 þúsund pund þegar hann var aðeins 10 ára gamall. Hann fór frá Chelsea þegar hann var 16 ára gamall. Þrátt fyrir að hann hafi ekki náð að skora inni á vellinum með Chelsea þá náði hann svo sannarlega að skora utan vallar þar.
Nýlega byrjaði hann með raunveruleikastjörnunni Tiffany Watson en hún öðlaðist frægð í þáttunum Made in Chelsea. Hún er því mun frægari en McGeehan í London.
https://www.instagram.com/p/CFNNj2kHXAL/
Franski knattspyrnumaðurinn Adil Rami spilaði með stórum liðum í Evrópu á borð við AC Milan, Valencia, Sevilla og Marseille. Hann er þó vafalaust ekki jafn frægur og fyrrverandi kærasta hans, Pamela Anderson, sem vakti mikla athygli á sínum tíma fyrir hlutverk sitt í Baywatch þáttunum. Síðan þá hefur hún verið ein þekktasta leikkona heims.
Aleksandr Kokorin, fyrrum liðsfélagi Rami, sagði í viðtali að Rami hafi sagt honum frá kynlífinu milli hans og Pamelu. „Rami sagði að Pamela væri besta konan sem hann hefði verið með á ævi sinni,“ sagði Kokorin. „Rami sagði að hann og Pamela stunduðu stundum kynlíf 12 sinnum á kvöldi.“