Einum leik er lokið í ensku úrvalsdeildinni í dag. West Ham United og Manchester City gerðu 1-1 jafntefli á London Stadium.
Manchester City var mun meira með boltann í leiknum en það var West Ham sem komst yfir með marki frá Michail Antonio á 18. mínútu.
Pep Guardiola gerði eina breytingu í hálfleik. Út af fór Segio Aguero og inn á í hans stað kom Phil Foden.
Foden var ekki lengi að þakka traustið því á 51. mínútu var hann búinn að jafna leikinn fyrir Manchester City.
Fleiri mörk voru ekki skoruð í leiknum,
Manchester City er eftir leikinn í 11. sæti deildarinnar með 8 stig eftir 5 leiki. West Ham er í 10. sæti með 8 stig eftir 6 leiki.
West Ham United 1 – 1 Manchester City
1-0 Michail Antonio (’18)
1-1 Phil Foden (’51)