Það er stórleikur í enska boltanum klukkan 16:30 á morgun þegar Chelsea heimsækir sigursælasta lið ensku efstu deildar, Manchester United.
Liðin enduðu í þriðja og fjórða sæti á síðustu leiktíð en pressa er á báðum vígstöðum að gera betur. Chelsea eyddi stórum fjárhæðum í sumar en hefur eins og United hikstað í byrjun.
Guardian telur að Paul Pogba verði áfram á meðal varamanna Manchester United þegar Chelsea kemur á Old Trafford á morgun en býst við því að Alex Telles byrji. Líklegt er að Edinson Cavani verði á meðal varamanna.
Hér að neðan er líklegt byrjunarlið í leiknum.