Virgil Van Dijk, leikmaður Liverpool, þarf að fara í aðgerð á hné vegna meiðsla sem hann hlaut í leik gegn Everton í ensku úrvalsdeildinni í um helgina. Van Dijk sleit krossband í hné eftir tæklingu frá Jordan Pickford, markverði Everton en mikil reiði er í herbúðum Liverpool með þessa tæklingu.
Ekki er ljóst á þessari stundu hversu lengi Van Dijk verður frá en það gæti verið töluvert langur tími og segir David Ornstein hjá The Athletic að útilokað sé að Van Dijk spili meira á þessu tímabili. Varnarmaðurinn öflugi hefur verið í myndatökum til að skoða hvað gerðist og Ornstein segir að um sé að ræða meira en bara slitið krossband.
„Skaðinn er meiri en bara slitið krossband,“ sagði Ornstein í frétt sinni en segist ekki vera menntaður læknaður og geti því ekki farið nánar út í það.
Nú hefur svo Georginio Wijnaldum leikmaður Liverpool sagt frá því að leikmenn Liverpool hafi átt erfitt með svefn eftir jafnteflið gegn Everton, meiðsli Van Dijk og sigurmarkið sem var tekið af Jordan Henderson seint í leiknum hefur setið í leikmönnum.
„Þetta var öðruvísi en það sem er venjulegt eftir leik, hvernig þetta allt gerðist var erfitt fyrir okkur. Það líður öllum hálf illa ennþá,“ sagði Georginio Wijnaldum en liðið vann 0-1 sigur á Ajax í Meistaradeildinni í gær.
Hann segir að leikmenn Liverpool hafi ekki sofið eftir leikinn. „Enginn leikmaður liðsins gat sofið, það er erfitt að taka þessu.“