Íslenska karlalandsliðið í fótbolta hefur náð frábærum árangri síðustu ár og er í dauðafæri á að komast inn á sitt þriðja stórmót í röð. Sögulegur árangur hefur náðst með mótunum á undan og enn er hægt að bæta.
Gamla bandið eins og liðið er oft kallað hefur slegið taktinn í tæp tíu ár en það fer að líða að því að skipta þurfi út leikmönnum og þá þurfa aðrir að geta tekið við keflinu.
Ísland á um þessar mundir með marga efnilega knattspyrnumenn víða um heim sem gætu náð ansi langt. Hrafnkell Freyr Ágústsson sérfræðingur Dr. Football lagðist í heimavinnu og skoðaði hverjir geta tekið við keflinu.
Hrafnkell stundum kallaður Kötturinn tók saman fimm íslenska drengi sem geta náð alla leið og margir þeirra hafa nú þegar sannað ágæti sitt. Þetta kom fram í nýjasta hlaðvarpsþætti Dr. Football.