Richarlison liðsfélagi Gylfa Þórs Sigurðssonar hjá Everton þarf að skipta um símanúmer eftir að númerið hans fór í beina útsendingu hjá Neymar á mánudag.

Neymar leikmaður PSG var þá að spila tölvuleik í beinni útsendingu þegar samlandi hans og vinur Richarlison hringdi í dag. Neymar gerðu þau mistök að setja símann beint í myndavélina þar sem símanúmer Richarlison sást.

„Ég held að ég hafi sýnt símanúmerið þitt óvart, þetta var slys. Þú verður að skipta um númer,“ sagði Neymar í útsendingunni þegar hann svaraði Richarlison.

Síminn hjá Richarlison hefur verið á barmi þess að bræða úr sér eftir þetta. „Tíu þúsund skilaboð á fimm mínútum, takk Neymar,“ skrifaði Richarlison á Twitter.

Richarlison hefur verið að gera góða hluti með Everton og landsliði Brasilíu en hann þarf að skipta um símanúmer til að fá frið. Hann hefur beðið fólk um að hætta að hringja í sig en það hefur lítið virkað.