Tveimur leikjum af átta er lokið í riðlakeppni Meistaradeildar Evrópu í kvöld. Í B-riðli tapaði Real Madrid tapaði óvænt 2-3 fyrir vængbrotni liði Shakhtar Donetsk. Fjölmargir leikmenn Shaktar gátu ekki tekið þátt í leiknum sökum Covid-19 veirunnar. Þá gerðu Salzburg og Lokomotiv Moskva 2-2 jafntefli í A-riðli.
B-riðill
Real Madrid tók á móti Shakhtar Donetsk í Madríd.
Shaktar komst yfir með marki á 29. mínútu. Raphael Varane varð síðan fyrir því óláni að skora sjálfsmark á 33. mínútu.
Á 42. mínútu bætti Manor Solomon síðan við þriðja marki Shakhtar. Staðan þegar flautað var til hálfleiks því 0-3 fyrir gestina.
Leikmenn Real Madrid hresstust í seinni hálfleik. Luka Modric minnkaði muninn fyrir Real með marki á 54. mínútu.
Aðeins fimm mínútum síðar bætti Vinicius Junior síðan við öðru marki heimamanna. Nær komust þeir þó ekki. 2-3 óvæntur sigur Shakhtar því staðreynd.
A-riðill
Salzburg tók á móti Lokomotiv Moskva á Red Bull Arena í Austurríki. Gestirnir komust yfir með marki frá Eder á 19. mínútu.
Heimamenn í Salzburg náðu þó að snúa stöðunni sér í vil með tveimur mörkum á 45. og 50 mínútu.
Þannig stóðu leikar alveg þangað til á 75. mínútu er Vitali Lisakovich jafnaði leikinn fyrir Lokomotiv Moskvu. Fleiri mörk voru ekki skoruð, niðurstaðan 2-2 jafntefli.
A-riðill
Salzburg 2 – 2 Lokomotiv Moskva
0-1 Eder (’19)
1-1 Dominik Szoboszlai (’45)
2-1 Zlatko Junuzovic (’50)
2-2 Vitali Lisakovich (’75)
B-riðill
Real Madrid 2 – 3 Shakhtar Donetsk
0-1 Tete (’29)
0-2 Raphael Varane (’33, sjálfsmark)
0-3 Manor Solomon (’42)
1-3 Luka Modric (’54)
2-3 Vinicius Junior (’59)