Riðlakeppni Meistaradeildar Evrópu fór af stað í kvöld með átta leikjum. Manchester United gerði sér lítið fyrir og vann 1-2 útisigur á PSG í Frakklandi. Lazio vann 3-1 sigur á Dortmund og Barcelona átti ekki í vændræðum með sinn mótherja. Lesið um öll úrslit kvöldsins hér:
H-riðill
Manchester United vann sterkan 1-2 útisigur á PSG í Frakklandi. Bruno Fernandes kom gestunum frá Manchester yfir með marki úr vítaspyrnu á 24. mínútu. Á 55. mínútu varð Anthony Martial fyrir því óláni að skora sjálfsmark og staðan því orðin 1-1. Marcus Rashford tryggði Manchester United sterkan sigur með marki á 87. mínútu.
Þýska liðið RB Leipzig vann tyrkneska liði Istanbul Basaksehir 2-0. Angelino skoraði bæði mörk RB Leipzig. Leikið var á Red Bull Arena í Leipzig.
G-riðill
Dinamo Kiyv reyndist ekki mikil fyrirstaða fyrir Juventus. Alvaro Morata skoraði bæði mörk Juventus í 0-2 sigri. Leikið var í Kænugarði í Úkraínu.
Sömu sögu var að segja í Barcelona þar sem heimamenn unnu ungverska liðið Ferencvaros örugglega. Lokatölur á Camp Nou 5-1 sigur Barcelona
F-riðill
Club Brugge gerði góða ferð til Rússlands og vann 1-2 útisigur á Zenit. Staðan var 1-1 á 90. mínútu en þá skoraði Charles De Ketelare sigurmarkið fyrir belgíska liðið.
Lazio vann sterkan heimasigur á þýska liðinu Dortmund. Lazio komst í stöðuna 2-0 áður en Erling Braut Haaland minnkaði muninn fyrir gestina. Jean Akpo innsiglaði 3-1 sigur Lazio með marki á 76. mínútu.
E-riðill
Chelsea tók á móti Sevilla á Stamford Bridge í Lundúnum. Leikar enduðu með markalausu jafntefli.
Rennes frá Frakklandi og rússneska liðið Krasnodar gerðu 1-1 jafntefli í Frakklandi. Heimamenn komust yfir með marki úr vítaspyrnu á 56. mínútu. Cristian Ramirez tryggði Krasnodar þó stig með marki á 59. mínútu.
H-Riðill
PSG 1 – 2 Manchester United
0-1 Bruno Fernandes (’24, víti)
1-1 Anthony Martial (’55, sjálfsmark)
1-2 Marcus Rashford (’87)
RB Leipzig 2 – 0 Istanbul Basaksehir
1-0 Angelino (’16)
2-0 Angelino (’20)
G-Riðill
Dynamo Kyiv 0 – 2 Juventus
0-1 Alvaro Morata (’46)
0-2 Alvaro Morata (’84)
Barcelona 5 – 1 Ferencvaros
1-0 Lionel Messi (’27, víti)
2-0 Ansu Fati (’42)
3-0 Philippe Coutinho (’52)
3-1 Igor Kharatin (’70, víti)
4-1 Pedri (’82)
5-1 Ousmane Dembele (’89)
Rautt spjald: Gerard Pique, Barcelona (’68)
F-Riðill
Zenit 1 – 2 Club Brugge
0-1 Emmanuel Dennis (’63)
1-1 Ethan Horvath (’74, sjálfsmark)
1-2 Charles De Ketelaere (’90)
Lazio 3 – 1 Borussia Dortmund
1-0 Ciro Immobile (‘6)
2-0 Marwin Hitz (’23, sjálfsmark)
2-1 Erling Braut Haaland (’71)
3-1 Jean-Daniel Akpa Akpro (’76)
E-Riðill
Chelsea 0 – 0 Sevilla
Rennes 1 – 1 FC Krasnodar
1-0 Sehrou Guirassy, víti (’56)
1-1 Cristian Ramirez (’59)