Virgil Van Dijk, leikmaður Liverpool, þarf að fara í aðgerð á hné vegna meiðsla sem hann hlaut í leik gegn Everton í ensku úrvalsdeildinni í um helgina. Þetta staðfestir Liverpool á heimasíðu sinni. Van Dijk skaddaði liðbönd í hné eftir tæklingu frá Jordan Pickford, markverði Everton en mikil reiði er í herbúðum Liverpool með þessa tæklingu.
Ekki er ljóst á þessari stundu hversu lengi Van Dijk verður frá en það gæti verið töluvert langur tími og líklega spilar hann ekki meira á þessu tímabili.
Jamie Carragher sérfræðingur Sky Sports og fyrrum varnarmaður Liverpool ráðleggur Liverpool að taka upp veskið og klára kaup á Dayot Upamecano varnarmanni RB Leipzig sem fyrst.
„Þetta er ungur drengur sem allir tala um, Dayot Upamecano. Hann er ekki sami leikmaður og Van Dijk en er stór og sterkur,“ sagði Carragher á Sky Sports í gær.
„Hann er maðurinn sem Liverpool vildi í sumar, núna þarf bara að taka upp veskið og fá hann 1 janúar.“
„Liverpool þarf því að komast í gegnum ellefu deildarleiki áður en nýr kemur inn.“