Sverrir Ingi Ingason var á sínum stað í byrjunarliði PAOK er liðið gerði 1-1 jafntefli við AEK í grísku úrvalsdeildinni í kvöld.
AEK komst yfir í leiknum með marki frá Karim Ansarifard á 23. mínútu leiksins.
Þegar allt virtist stefna í sigur AEK jafnaði Thomas Murg, leikmaður PAOK metin með marki á 89. mínútu. Fleiri mörk voru ekki skoruð í leiknum.
PAOK er eftir leikinn í 4. sæti deildarinnar með 9 stig eftir 5 leiki.
AEK 1 – 1 PAOK
1-0 Karim Ansarifard (’23)
1-1 Thomas Murg (’89)