Harry Maguire fyrirliði Manchester United var skúrkur enska landsliðsins í tapi gegn Dönum í Þjóðadeildinni í gær. Maguire lét reka sig af velli eftir um hálftíma leik þegar hann fékk sitt annað gula spjald.

Síðustu vikur hafa verið erfiðar fyrir Maguire, innan sem utan vallar. Upphafið af því eru vandræði hans í sumarfríi í Grikklandi, þar var Maguire handtekinn af lögreglu og ákærður.

Hann var dæmdur sekur fyrir ofbeldi gegn lögreglu en hefur áfrýjað dómnum og telst því saklaus samkvæmt grískum lögum þangað til dómur kemur aftur saman.

Eftir handtökuna í Grikklandi hefur Maguire spilað illa með United og nú enska landsliðinu. Ensk götublöð segja að Maguire þurfi á hvíld að halda, nefnt er að United gefi honum frí til þess að fara burt og slaka á.

Roy Keane fyrrum fyrirliði Manchester United gagnrýnir hvernig Gareth Southgate þjálfari Englands tók á málum í gær, hann virtist skamma Maguire þegar hann gekki af velli. „Ég finn til með Maguire,“ sagði Keane í sjónvarpi eftir leikinn.

„Ég held að klapp á bakið hefði hjálpað Maguire ef þú hugsar hversu langt niðri hann er þessa stundina.“