Gylfi Þór Sigurðsson er í hópi bestu knattspyrnumanna í heimi síðustu vikuna ef miðað er við lið vikunnar hjá EA Sports.
Vikulega er það EA Sports sem velur bestu knattspyrnumenn líðandi stundar eftir frammistöðu síðustu vikuna.
Slíkir leikmenn komast í lið vikunnar sem er vinsæll liður í gegnum FIFA tölvuleikinn og margir notfæra sér.
Gylfi skoraði tvö mörk fyrir Ísland í sigri á Rúmeníu fyrir viku síðan en hann er í hópi með Sergio Ramos, Christian Eriksen, Roberto Firmino og fleiri góðum.
Mörk Gylfa voru glæsileg og á sama tíma mikilvæg fyrir íslenska landsliðið sem nú er í dauðafæri á að komast inn á sitt þriðja stórmót.