Enska úrvalsdeildarfélagið Fulham hefur gengið frá kaupum á hinum unga og efnilega Selfyssing, Þorsteini Aroni Antonssyni. Hann gerir þriggja ára samning við félagið. Frá þessu er greint á vefsæði Selfoss.
Þorsteinn steig sín fyrstu skref í meistaraflokk í sumar og spilaði 17 leiki í deild og bikar.
Hann stóð sig með eindæmum vel og vakti áhuga í Englandi. Þorsteinn er fluttur til London en hann mun æfa og spila með u-18 liði félagsins til að byrja með.
Fleiri ungir Íslendingar hafa verið í herbúðum Fulham nú síðast Jón Dagur Þorsteinsson sem leikur með AGF í Danmörku í dag.