Samkvæmt Mundo Deportivo á Spáni er það Paul Pogba miðjumaður Mancehster United sem Barcelona ætlar sér að krækja í eftir tæpt ár.
Barcelona horfir á Pogba sem lykilmann í að byggja upp nýtt lið en fyrir er einn hans besti vinur hjá félaginu. Samlandi hans Antoine Griezmann.
Pogba hefur reglulega talað um að draumur hans sé að yfirgefa Manchester United og ganga í raðir Real Madrid.
Það gæti hins vegar heillað Pogba að fara til Katalóníu og spila með Griezmann en þeir félagar ná einkar vel saman með landsliðinu.
Pogba mun eiga eitt ár eftir af samningi sínum við United næsta sumar og félagið því í vondri stöðu til að halda honum ef ekki næst að semja við hann á nýjan leik.
