„Þetta var sérstakur sólarhringur en jafnframt mjög skemmtilegur,“ sagði Arnar Þór Viðarsson landsliðsþjálfari Íslands í kvöld í fjarveru Erik Hamren og Freys Alexanderssonar gegn Belgíu.

Arnar sem stýrir u21 árs landsliðinu var í Lúxemborg í gær þegar allt starfslið Íslands var sett í sóttkví vegna smits hjá starfsmanni.

„Ég hafði engan tíma til að fagna sigri u21 árs liðsins í gær, ég frétti að staffið væri komið í sóttkví eftir leik og að KSÍ vildi kalla mig heim. Fyrir mig breytti það stöðunni og ég þurfti að hoppa beint upp í bíl og koma mér heim. Þetta er reynsla sem þú færð ekki á hverjum degi og reynsla sem fer í bakpokann.“

Ísland tapaði 1-2 gegn Belgum en sýndi hetjulega baráttu. „Drengirnir áttu frábæran leik og geta verið stoltir af sér, þetta var vel settur upp leikur hjá Erik og Freysa. Það var ekki erfitt að labba inn í þetta skipulag. Þetta var var vel planað hjá þeim. Þetta var mjög krefjandi sólarhringur hjá mér.“

„Ég held að Erik og Freyer hafi sett í Þetta 5-3-2 kerfi til að mæta Belgum, hafa gert það áður gegn þeim. Þetta var vel uppsettur leikur, það er erfitt að spila gegn Belgum í þessu 3-4-3 kerfi. Þeir eru sniðugir að finna svæði milli vanrar og miðju. Það er erfitt að verjast þessu.“