Enska úrvalsdeildin hefur krafist þess að stjórar í deildinni svari ekki spurningum um umdeilda ákvörðun deildarinnar. Ákveðið var í síðustu viku að hætta að sýna alla leiki í beinni útsendingu á Englandi.
Í stað þess verður hægt að kaupa sér aðgang að leikjum sem eru ekki í beinni, búið er að sýna allt beint eftir að áhorfendum var bannað að mæta á völlinn.
Leikur Aston Villa og Liverpool sem fór 7-2 hefði þannig farið í sölu fyrir tæp 15 pund en var í opinni dagskrá fyrir alla.
Enska úrvalsdeildin hefur nú skrifað öllum stjórum deildarinnar bréf og eru þeir beðnir um að ræða ekki þessi mál.
Leicester var eina félagið sem lagðist gegn þessari tillögu en þessi auka kostnaður við að sjá liðið sitt spila kemur sér illa fyrir ansi marga sem hafa eytt háum fjárhæðum í Sky og BT Sport á Englandi.
Síminn mun áfram sýna alla leiki beint og verður ekkert auka gjald tekið fyrir.