Fimm greindust með COVID-19 veiruna í ensku úrvalsdeildinni í síðustu viku en fjöldi smita hefur verið talsverður síðustu vikur.
Þeir aðilar sem greindust í síðustu viku fara í tíu daga einangrunn og geta svo snúið aftur, mælist veiran ekki í þeim lengur.
Kórónuveiran varð til þess að langt hlé var á enska boltanum í vor, eftir að deildin fór aftur af stað í september hefur fjöldi smita verið talsverður.
Þannig hafa 44 nú greinst með veiruna eftir að deildin fór aftur af stað en fjórar umferðir eru búnar. Fjórir leikmenn Liverpool haf meðal annars greinst með veiruna í sér.
Enska úrvalsdeildin fer aftur af stað um helgina eftir stutt stopp vegna landsleikja en þá fer meðal annars fram stórleikur Everton og Liverpool.