„Frammistaða hans með Íslandi var full af gæðum, þetta er eitthvað sem Everton getur svo sannarlega nýtt á þessu tímabili. Íslenski landsliðsmaðurinn verður ekki bara dæmdur af frammistöðunni gegn Rúmeníu, Ancelotti hefur hins vegar fylgst vel með,“ svona skrifar Adam Jones blaðamaður á Liverpool Echo um stöðu Gylfa Þórs Sigurðssonar hjá Everton.

Gylfi var frábær með íslenska landsliðinu í síðustu viku en hann hefur ekki átt fast sæti í liði Everton í upphafi tímabils. Gylfi byrjaði síðasta deildarleik Everton og ætti að eiga góðan séns á að byrja gegn Liverpool í stórleik helgarinnar.

„Gylfi hefur byrjað vel á þessu tímabili eftir slæmt síðasta tímabil á persónulegum nótum. Hann var markahæsti leikmaður liðsins tímabilið á undan, vandræði liðsins virtust hafa mikil áhrif á hann.“

„Hann byrjaði frábærlega á þessu tímabili gegn Salford City, þar skoraði hann og lagði upp. West Ham kom í heimsókn á Goodison Park og Gylfi sannaði ágæti sitt.“

„Hann lagði svo upp mark gegn Brighton nokkrum dögum síðar. Gylfi var oft aftarlega á vellinum á síðustu leiktíð.“

„Ef Ancelotti var að horfa á landsleik Íslands, þá er hausverkurinn meiri fyrir hann. Fær Gylfi áfram að byrja? Kemur Andre Gomes inn eftir meiðsli?.“