Jordan Sinnott, knattspyrnumaður á Englandi lést fyrir tíu mánuðum eftir slagsmál á næturlífinu þar í landi. Sinnott lést á sjúkrahúsinu en höfuðkúpa hans brotnaði eftir að hann fór út á lífið í bænum Retford. Lögreglan er enn með málið til rannsóknar og er það rannsakað sem morð.
Þessi 25 ára gamli knattspyrnumaður lenti tvisvar í slagsmálum þetta örlagaríka kvöld. Lögreglan var kölluð til þegar átta menn og konur voru að slást á bílastæði. Sinnott fannst skömmu síðar, meðvitundarlaus og með brotna höfuðkúpa.
Sinnott var í eigu Alfreton Toen en lék á láni með Matlock Town, hann hafði spilað fyrir Huddersfield og fleiri lið á ferlinum. Hann var úrskurðaður látinn á sjúkrahúsi.
Nokkrum dögum eftir að Sinnott lést komst unnusta hans að því að hún væri ófrísk, nú hefur hún eignast barn þeirra. „Það segja allir að stúlkan okkar sé svo líka Jordan,“ sagði Kelly við ensk blöð um málið.
„Hjarta mitt brotnar þegar ég hugsa um hversu mikið hann hefði elskað hana, hann elskaði fjölskylduna og vildi skapa hana með mér.“
„Sökum þess að tveir glæpamenn urðu afbrýðisamir þá sit ég ein eftir með barnið okkar. Hún fær aldrei að hitta sinn yndislega pabba.“