Íslenska landsliðið reið ekki feitum hesti gegn Dönum í Þjóðadeildinni þegar leikið var á Laugardalsvelli í kvöld. Ísland tapaði 3-0 og átti aldrei möguleika í leiknum.
Alfreð Finnbogason fór meiddur af velli snemma leiks og Danir skoruðu svo sitt fyrsta mark undir lok fyrri hálfleiks. EKki er öruggt að boltinn hafi farið inn en mistökin sem Hannes Þór Halldórsson gerði í aðdraganda þess voru dýr.
Botninn hrundi svo úr leik Íslands í síðari hálfleik. Frammistaða sem þessi dugar skammt ef liðið ætlar að vinna Ungverjaland í nóvember og komast inn á sitt þriðja stórmót.
Byrjunarlið Íslands:
Hannes Þór Halldórsson 4
Mistök sem eiga ekki að sjást í fyrsta marki Dana, Hannes veit það best sjálfur enda hefur hann aldrei verið að gera svona mistök með landsliðinu.
Guðlaugur Victor Pálsson 7 – Maður leiksins
Ljósið í leik liðsins, búinn að eigna sér stöðu hægri bakvarðar.
Sverrir Ingi Ingason 4
Byrjaði ágætlega en það fjaraði hratt undan því
Ragnar Sigurðsson (´73) 5
Það sem vel var gert í varnarleik Íslands var í boði Ragnars.
Hörður Björgvin Magnússon 5
Gerði enginn stór mistök.
Rúnar Már Sigurjónsson 4
Náði engum takti við leikinn.
Aron Einar Gunnarsson (´45) 6
Fór af velli í hálfleik eftir ágæta frammistöðu á miðsvæðinu.
Birkir Bjarnason 4
Fann sig hvorki á kantinum eða á miðsvæðinu í dag.
Gylfi Þór Sigurðsson 5
Reyndi en hafði lítinn stuðning fram á við þegar Alfreð fór af velli.
Arnór Ingvi Traustason (´68) 4
Öflugur gegn Rúmeníu en fann sig ekki í kvöld.
Alfreð Finnbogason (´12)
Lé ekki nóg til að fá einkunn
Varamenn:
Jón Daði Böðvarsson (´12) 4
Verður sem framherji að koma sér í færi við og við, dugnaður dugar ekki bara.
Mikael Neville (´46) 4
Bætti engu við leik liðsins og fann sig ekki.
Albert Guðmundsson (´68) 5
Íslendingar höfðu lagt árar í bát þegar hann kom við sögu.
