Á fundi aga- og úrskurðarnefndar KSÍ 29. september var tekin fyrir greinargerð sem framkvæmdastjóri KSÍ sendi til nefndarinnar þann 21. september, í samræmi við 21. gr. reglugerðar KSÍ um aga- og úrskurðarmál.
Ummælin féllu þegar Grótta mætti Keflavík í Lengjudeild kvenna og var hann sýndur beint hjá Gróttu. Einn þeirra stuðningsmanna sem veitti tæknilega aðstoð lét ummæli falla í garð dómara leiksins sem Grótta harmar. Keflavík vann 3-2 sigur í leiknum sem fram fór síðustu helgi.
„Ertu ekki að dæma? Hvernig er þetta ekki rangstæða? Ertu moron? Ertu með dómarapróf?,“ sagði maðurinn meðal annars í beinni útsendingu þegar Keflavík skoraði. Hann krafðist þess að dæmd yrði rangstaða.
Ummælin vöktu athygli hjá þeim sem fylgdust með en orðræðu mannsins mátti heyrast vel í beinni útsendingu.
Fram kemur í greinargerð framkvæmdastjóra að málið varði ósæmilega framkomu í formi ummæla sem starfsmaður/stuðningsmaður Gróttu viðhafði í útsendingu GróttuTV frá leik Gróttu og Tindastóls, þann 18. september. Var um að ræða opinber ummæli sem eru að mati framkvæmdastjóra til þess fallin að skaða ímynd íslenskrar knattspyrnu og með þeim hafi verið vegið að æru og starfsheiðri dómara í leik Gróttu og Tindastóls í Lengjudeild kvenna, þann 18. september sl.
Ákvað aga- og úrskurðarnefnd að sekta knattspyrnudeild Gróttu um kr. 50.000,- vegna framangreindra opinberra ummæla.