Það gæti orðið mikið að gera hjá Manchester United á síðustu dögum félagaskiptagluggans en félagið vill bæta við kantmanni og varnarmanni.
Að auki vill félagið losna við nokkra leikmenn en Andreas Pereira er að ganga í raðir Lazio á láni. Þá eru þeir Phil Jones, Chris Smalling, Marcos Rojo og Sergio Romero til sölu.
Telegraph segir frá þí í dag að Newcastle hafi bæði áhuga á Phil Jones og Chris Smalling sem eru miðverðir. Búið er að senda fyrirspurn til Ed Woodward frá Newcastle.
Steve Bruce vill styrkja hjartað í vörn sinni og gæti hugsað sér að fá þessu ensku varnarmenn í sínar raðir.
Roma hefur reynt að kaupa Smalling frá United en án árangurs, Smalling var á láni hjá Roma á síðustu leiktíð og líkaði dvölin á Ítalíu vel.
Bruce gæti þó fengið Jones til sín en enski varnarmaðurinn hefur mikið verið meiddur síðustu ár.