Liverpool tók á móti Arsenal í enska deildarbikarnum í kvöld. Var þetta síðasti leikurinn í 16-liða úrslitum. Staðan eftir venjulegan leiktíma var 0-0.
Farið var beint í vítaspyrnukeppni þar sem Arsenal hafði betur. Elneny leikmaður Arsenal var sá fyrsti til að klúðra víti.
Origi kom strax á eftir Elneny fyrir Liverpool. Hann klúðraði einnig sinni spyrnu. Harry Wilson klúðraði annarri spyrnu fyrir Liverpool. Willock tók næstu spyrnu fyrir Arsenal. Hann skoraði og tryggði þeim sæti í átta liða úrslitum.
Rúnar Alex Rúnarsson sat á varamannabekk Arsenal í leiknum. Dregið verður í átta liða úrslitum í kvöld.
Liverpool 0 – 0 Arsenal (4-5 eftir vítaspyrnukeppni)
Liðin í átta liða úrslitum:
Tottenham
Newcastle
Manchester City
Everton
Manchester United
Brentford
Stoke City
Arsenal