Mirel Radoi þjálfari Rúmeníu segir að íslenska liðið hafi átt sigurinn skilið í Laugardalnum í kvöld. Ísland er komið í úrslitaleik um laust sæti á EM næsta sumar eftir 2-1 sigur. Liðið mætir Ungverjalandi ytra eftir mánuð.
„Við náðum ekki að gera það sem við æfðum, við vissum að Íslandi myndi spila svona. Við vorum hægir í okkar aðgerðum, við töpum boltanum sjö sinnum í fyrri hálfleik og fjórar af þeim enda í skyndisókn,“ sagði Radoi að leik loknum.
Hann sagði að vítaspyrnan sem Rúmenía fékk hafi verið réttur dómur, Ragnar Sigurðsson hefi rekið olnbogann í leikmann sinn.
„Vítið sem var gefið, ég sá það á bekknum og ég sá olnbogann frá íslenska leikmanninum. ÉG sá ekki seinna atvikið, ég vil ekki ræða dómarann. Við vorum ekki góðir í fótbolta, í fyrri hálfleik. Við bættum okkur í síðari hálfleik.“
,,Leikmenn voru í vandræðum og voru að renna á vellinum en við höfðum æft hérna, ég get ekki sagt að það hafi haft áhrif. Ef ég hugsa um fyrstu 45 mínúturnar, þetta eru sanngjörn úrslit. Við áttum ekki skilið að fara áfram.“
