Jón Ingason er genginn aftur í raðir ÍBV en þetta staðfesti félagið á heimasíðu sinni í kvöld.
Jón kemur til Eyja frá Grindavík og mun reyna að hjálpa liðinu í baráttunni í næst efstu deild.
Tilkynning ÍBV:
Varnarmaðurinn Jón Ingason hefur snúið aftur til ÍBV frá Grindavík.
Jonna þarf ekki að kynna fyrir Eyjamönnum og er mikil ánægja hjá knattspyrnuráði með að hafa endurheimt peyjann.
Jonni kemur til ÍBV í maí en þá lýkur hann námi í Bandaríkjunum.
Hann mun spila með ÍBV í janúar áður en hann heldur utan í lokasprett náms síns. Hann skrifaði í dag undir tveggja ára samning við ÍBV.