Um 20 stuðningsmenn Manchester United mættu á heimili Ed Woodward, stjórnarformanns Manchester United í gær. Gerðu þeir tilraun til að brjótast inn í húsið en komust ekki í gegnum hliðið. Þeir skutu flugeldum að húsinu á meðan þeir sungu lög um Woodward og ósk þeirra að hann láti lífið, sem fyrst. Þá köstuðu þeir nokkrum reyksprengjum inn á lóð hans.

Mirror segir að 20-30 einstaklingar hafi mætt fyrir utan heimilið sem staðsett er í úthverfi Manchester. Hvorki Woodward né fjölskylda hans var á svæðinu. Fjölskyldan býr að mestu í London þar sem Woodward starfar flesta daga. Hann er sá maður sem stjórnar United og tekur erfiðar ákvarðanir. Hann tók við starfinu 2013 og hefur verið umdeildur í starfi.

,,Þú munt deyja,“ var öskrað fyrir utan heimili Woodward sem á hús í rólegu hverfi í úthverfi Manchester. Stuðningsmenn félagsins hafa sungið lög um dauða Woodward, á síðustu leikjum félagsins.

Mkikill fjöldi fólks hefur fordæmt þessa hegðun og einn af þeim er Gary Lineker, sjónvarpsmaður á BBC. ,,Ef þetta er rétt þá er þetta ógeðslegt, þessi maður á unga tvíbura,“ skrifaði Lineker og margir taka í sama streng.

Sjáðu myndbandið: Réðust að heimili Ed Woodward í kvöld – Flugeldum skotið og hótuðu að drepa hann

Myndir af þeim sem mættu fyrir utan heimili hans má sjá hér að neðan en það er í úthverfi Manchester og kostar meira en 300 milljónir.

Mennirnir reyndu að hylja andlit sitt en lögreglan telur sig hafa upplýsingar um nokkra af þeim og leitar af þeim, þeir fá væna refsingu.

If this is genuine then it’s absolutely disgusting. The man has young twins, FFS. https://t.co/bVRGUG6lM5

— Gary Lineker (@GaryLineker) January 28, 2020