Bruno Fernandes er væntanlegur til Manchester í dag til að ganga frá félagaskiptum sínum til Manchester United.
Fernandes fer í læknisskoðun á æfingasvæði United áður en hann skrifar undir fjögurra og hálfs árs samning.
United samdi um kaupverðið við Sporting Lisbon í gær og greiðir félagið 46,6 milljónir punda til að byrja. Líklega hækkar sú tala um 8,5 milljónir punda en einnig er klásúla um 12,7 milljónir punda ef United vinnur stóra titla, eins og Meistaradeildina.
Fernandes er 25 ára gamall sóknarsinnaður miðjumaður sem hefur raðað inn mörkum i Portúgal.
Miðsvæði United er þunnskipað og hefur United síðustu vikur reynt að ná saman við Sporting, það tókst loks í gær.