Arsenal hefur fengið varnarmanninn, Pablo Mari á láni frá Flamengo út þessa leiktíð. Arsenal getur svo keypt hann í sumar.
Mari er 26 ára gamall spænskur varnarmaður, sem áður var í herbúðum Manchester City en hann fékk aldrei tækifæri þar.
Hann hefur spilað með Girona, NAC Breda og Deportivo la Coruna áður en hann fór til Brasilíu. ,,Pablo kemur með meiri breidd í varnarleik okkar, við höfum fylgst með honum um nokkurt skeið,“ sagði Edu, yfirmaður knattspyrnumála hjá Arsenal.
Hann er fyrsti leikmaðurinn sem Arsenal fær undir stjórn Mikel Arteta, en hann gæti fengið fleiri áður en glugginn lokar á föstudag.
Welcome to London. Welcome to Arsenal.@PabloMV5 is coming to the capital! 👋 pic.twitter.com/X07dtNeG5Y
— Arsenal (@Arsenal) January 29, 2020