Mánudagur 24.febrúar 2020
433Sport

Sjáðu myndbandið: Réðust að heimili Ed Woodward í kvöld – Flugeldum skotið og hótuðu að drepa hann

Hörður Snævar Jónsson
Þriðjudaginn 28. janúar 2020 22:46

Ekki missa af Helstu tíðindum dagsins í pósthólfið þitt

Lesa nánar

Um 20 stuðningsmenn Manchester United mættu á heimili Ed Woodward, stjórnarformanns Manchester United í kvöld. Gerðu þeir tilraun til að brjótast inn í húsið en komust ekki í gegnum hliðið. Þeir skutu flugeldum að húsinu á meðan þeir sungu lög um Woodward og ósk þeirra að hann láti lífið, sem fyrst.

Mirror segir að 20-30 einstaklingar hafi mætt fyrir utan heimilið sem staðsett er í úthverfi Manchester. Hvorki Woodward né fjölskylda hans var á svæðinu. Fjölskyldan býr að mestu í London þar sem Woodward starfar flesta daga. Hann er sá maður sem stjórnar United og tekur erfiðar ákvarðanir. Hann tók við starfinu 2013 og hefur verið umdeildur í starfi.

,,Þú munt deyja,“
var öskrað fyrir utan heimili Woodward sem á hús í rólegu hverfi í úthverfi Manchester. Stuðningsmenn félagsins hafa sungið lög um dauða Woodward, á síðustu leikjum félagsins.

Um er að ræða ólátabelgi sem styðja United en þeir kalla sig „Men in black“, þeir klæðast alltaf svörtu.

Undir stjórn Woodward hefur gengi United orðið afar slæmt innan vallar, á sama tíma hefur hann aukið tekjur félagisns gríðarlega og skilað miklum hagnaði. Stuðningsmenn félagsins hafa fengið nóg af vinnubrögðum hans en flestum finnst þetta alltof langt gengið.

Stuðningsmenn félagsins beina reiði sinni að Woodward og Glazer fjölskyldunni sem á félagið, þrátt fyrir gríðarlegan hagnað síðustu ár skuldar félagið um 200 milljónir punda. Því er haldið fram að fjölskyldan hafi tekið 1,3 milljarð punda út úr félaginu.

,,Kveikjum eld, kveikum eld, setjum Glazer á toppinn og Woodward inn í miðjuna, brennum helvítis fíflin,“ sungu stuðningsmenn United á síðasta leik liðsins.

Manchester United hefur sent frá sér yfirlýsingu vegna málsins. ,,Manchester United hefur fengið að vita af atviki fyrir utan heimili starfsmanns félagsins. Við vitum að knattspyrnusamfélagið mun styðja okkur þegar við aðstoðum lögregluna við að finna út hvaða menn þetta eru. Allir aðilar sem verða teknir verða bannaðir fyrir lífstíð frá leikjum félagsins og gætu átt yfir höfði sér sakamál. Að segja sína skoðun er eitt mál, að skemma og ætla að stefna lífi fólks í hættu er annað. Það er ekki til afsökun fyrir svona,“ sagði í yfirlýsingu félagsins.

Myndband af þessu frá því í kvöld er hér að neðan.

Enski boltinn á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 16 klukkutímum

Hazard er alvarlega meiddur – EM í hættu

Hazard er alvarlega meiddur – EM í hættu
433Sport
Fyrir 18 klukkutímum

Aubameyang með tvö er Arsenal lagði Everton í fimm marka leik

Aubameyang með tvö er Arsenal lagði Everton í fimm marka leik
433Sport
Fyrir 21 klukkutímum

Fernandes skoraði og lagði upp í sigri United

Fernandes skoraði og lagði upp í sigri United
433Sport
Fyrir 21 klukkutímum

Byrjunarliðin á Emirates: Gylfi á sínum stað

Byrjunarliðin á Emirates: Gylfi á sínum stað
433Sport
Í gær

Magnaður Ronaldo jafnaði met Batistuta

Magnaður Ronaldo jafnaði met Batistuta
433Sport
Í gær

Jesus tryggði City öll stigin á King Power

Jesus tryggði City öll stigin á King Power