Guðmundur Þórarinsson er búinn að skrifa undir samning við bandaríska liðið New York City.
Þetta var staðfest í kvöld en Guðmundur var nýlega orðaður við liðið sem er í MLS-deildinni.
Undanfarin ár hefur Guðmundur leikið með Norrkoping í Svíþjóð og samdi við það félag árið 2017.
Hann tekur nú skref upp á við á ferlinum en með New York hafa margar stjörnur leikið.
Nefna má leikmenn á borð við Frank Lampard, David Villa og Andrea Pirlo sem eru þó allir hættir.
Guðnundur á að baki fimm landsleiki fyrir Ísland og hefur einnig spilað með Nordsjælland, Rosenborg og Sarpsborg.