Shrewsbury átti skilið að gera jafntefli og jafnvel vinna Liverpool í enska bikarnum í dag.
Þetta segir Jurgen Klopp, stjóri Liverpool, en leiknum lauk með 2-2 jafntefli eftir að gestirnir höfðu komist í 2-0.
,,Það var erfitt að vinna leikinn. Við höfum ekki nægan tíma til að ræða alla hlutina sem fóru úrskeiðis,“ sagði Klopp.
,,,Við skoruðum mjög gott mark en fyrir utan það þá var mikið reynt á Adrian. Hann var frábær.“
,,Skyndisóknirnar sem þeir fengu eftir tapaða bolta… Þeir hægðu á leiknum og við töpuðum svo boltanum á röngum tíma.“*
,,Þetta var vel verðskuldað fyrir Shrewsbury, þetta var það minnsta sem þeir áttu skilið. Til hamingju.“