Það fór fram stórleikur á Ítalíu í kvöld er lið Lazio og Roma áttust við á Ólympíuleikvanginum í Róm.
Lazio hefur spilað stórkostlega á þessu tímabili og gat komist nær toppliði Juventus með sigri í kvöld.
Edin Dzeko kom liði Roma yfir á 25. mínútu en sú forysta entist í aðeins átta mínútur.
Francesco Acerbi jafnaði þá metin fyrir Lazio og reyndist það síðasta markið í 1-1 jafntefli.
Lazio er fimm stigum á eftir toppliði Juventus og tveimur stigum á eftir Inter sem er í öðru sætinu en á leik til góða á þá.