Mohamed Salah hefur öðlast heimsfrægð á síðustu árum enda átt frábæru gengi að fagna hjá Liverpool.
Salah vann Meistaradeildina með Liverpool á síðustu leiktíð og liðið er nú að vinna ensku úrvalsdeildina.
Salah er að fara í hóp með frægasta fólki í heimi en stytta af honum verður brátt frumsýnd á Madame Tussaud safninu í London.
Þar kemst aðeins frægasta fólkið í bransanum en þar má nefna konungsfjölskylduna. Lengi vel var stytta af David Beckham á svæðinu.
Salah er 27 ára og er frá Egyptalandi en hann kom til Liverpool frá Roma árið 2017.